Layihə haqqında məlumat
Abşeron yarımadasında yerləşən və yerli istehsalın keyfiyyəti ilə seçilən “Caspian Cabel Systems” ölkənin qabaqcıl istehsal şirkətlərindəndir. “Caspian Cabel Systems” 15+ illik təcrübəyə sahib mühəndis heyəti ilə 1000-dən çox kabel növünün istehsalını həyata keçirir. Şirkətin əsas hədəflərindən biri Azərbaycan istehsalı olan məhsulları beynalxalq arenada tanıtmaq və rəqabətə davamlı məhsulların istehsalını həyata keçirməkdir.
“Caspian Cabel Systems” şirkəti ilə baş tutan əməkdaşlıq çərçivəsində şirkətin ümumi strukturu analiz olunmuş, mövcud proqram təminatına baxış keçirilmiş və gözləntilər nəzərə alınmışdır. Xüsusi tələblərin işləndiyi, geniş istehsal uçotunun qurulduğu layihə “Avropa Yenidənqurma və İnkişaf Bankı” tərəfindən maliyyə dəstəyi almışdır. ERP tətbiqi çərçivəsində müvafiq biznes üçün hazırlanmış funksionallıqlar və modullar isə aşağıdakı kimidir;
o Satış uçotu modulu
o Anbar uçotu modulu
o Maliyyə uçotu modulu
o Mühasibat uçotu modulu
o İstehsal proseslərinin idarə olunması modulu
Yerli istehsalın inkişafı sahəsində göstərdiyi fəaliyyətə və çalışmalarına görə, “Caspian Cabel Systems” şirkətinə təşəkkür edir, əməkdaşlığımızdan dolayı məmnunluq duyuruq!
