N-Advert

Layihə haqqında məlumat

Konsept

“N-Advert” şirkəti reklam məhsullarının istehsalı, xüsusilə çöl reklamlarının tərtibatı sahəsində ixtisaslaşmışdır. “Reklam ticarətin mühərrikidir” deyən şirkət müştərilərinin məmnuniyyətini əsas alaraq, keyfiyyəti ilə fərqlənən məhsulların istehsalını həyata keçirir. Eyni zamanda yenilikçi məhsullar, fərqli ideyaların da həyata keçirilməsini istəyən şirkətlər üçün yaradıcı komandası ilə xidmət göstərməyə davam edir. “N-Advert” şirkəti ilə ilkin görüşdən sonra şirkətin mövcud vəziyyəti komandamız tərəfindən analiz olunmuş, müvafiq təqdimat həyata keçirilmişdir. Ofisimizdə qonaq olan “N-Advert” kollektivi proqram təminatı ilə bağlı geniş təqdimatla tanış olmuş, eyni zamanda yaranmış suallarına cavab tapa bilmişdir. Davam edən prosesdə danışıqlar zamanı hər iki şirkət üçün uğurlu olan ortaq razılaşma əldə olunmuş və layihə başlamışdır. “Avropa Yenidənqurma və İnkişafı Bankı” tərəfindən maliyyə dəstəyi alan ERP layihəsi çərçivəsində şirkətimiz tərəfindən “N-Advert” üçün aşağıdakı funksionallığı özündə ehtiva edən proqram təminatının qurulumu baş tutmuşdur. o Anbar uçotu modulu
o Satış uçotu modulu
o CRM
o Maliyyə uçotu modulu
o Əməkhaqqı və bonuslar modulu
o Mühasibat uçotu
o Layihələrin idarə olunması modulu
o Təkliflərin və smetanın idarə olunması modulu
o İstehsal proseslərinin idarə olunması modulu

Tətbiq edilmiş funksionallıqdan sonra şirkət rahatlıqla anbarına nəzarəti həyata keçirə bilmiş, eyni zamanda müştərilərdən daxil olmuş sorğular üzrə sürətli və operativ formada təkliflər göndərə bilmiş, həmçinin təkliflərin statuslarının izlənilə bilməsi sayəsində daxili CRM-i tətbiq edə bilmişdir. Layihə gedişatında şirkətin təsisçisi və direktoru Namiq Nəbiyev-in xüsusi düsturları ilə “N-Advert” şirkətinə özəl hesabat formaları hazırlanmışdır. Nəticədə şirkət layihə üzrə gəlirliyi ölçə bilmiş, əlavə xərcləri azaltmış və istehsal prosesini optimallaşdırmışdır. Ölkədəki biznes mühitinin inkişafı üçün çalışmalarını davam etdirən və keyfiyyətli məhsulları ilə seçilən N-Advert şirkətinə təşəkkürümüzü bildirir və əməkdaşlığımızdan məmnunluq duyuruq!